Kriminell ferie og fagleg kompetanse

Det blir litt laaangt mellom blogginnlegga no sommarstid, då vi er åleine på huset det meste av tida. Betre blir det ikkje då eg i løpet av sommaren har registrert ein voldsom framgang i fagleg kvalitet på sjefa sine tidlegare innspel på sida her. Skal tru kva for oppgradering av kunnskapar ho forlangar av oss undersåttane når heile personalet er på plass att utpå hausten...? Eg bøyer meg i støvet enn så lenge, tørkar sveitten og roar dei verste, nervøse skjelvingane og hoppar i det med eit nytt forsøk på å nå fram til surfarar på verdensveven.

I sommar har eg latt barne- og ungdomsbøkene fått stå til dei unge sin disposisjon på biblioteket, og sjølv mot normalt lese nokre "vaksne" bøker. Når Camilla Läckberg då stod ledig i hyllene her ved min feriestart, vart i grunnen ferieplanane beståande av plenklypping, ugrasluking, husvask og lange dagsturar i fjellet raskt endra til ein velbrukt solstol framom den utgamle campingvogna, med krimmen som solskjerm framfor det vinterbleike fjeset. Eg, som i utgangspunktet er ei enkel sjel med sans for lettlesne barnebøker, har slukt grådig kvar ei side eg har hatt tilgang på frå denne forfattaren dei siste vekene, og har lova at eg heretter aldri skal påstå at "nei, krim les eg ikkje..." Det lyt også nemnast at eg har tråla gjennom boka "Dyrekommunikasjon" av Sissel Grana, så eit visst opprykk i kompetansen kan eg då slå i bordet med når den solbrune sjefa kjem jodlande inn døra etter endt rekreasjon frå sydlegare strok! Har faktisk lurt på om eg ikkje skal snappe med meg "Kunsten å lese tanker: hvordan du forstår og påvirker andre uten at de merker det" av Henrik Fexeus også medan eg framleis rår åleine her, så skal du sjå det blir lønshopp utpå vinteren også!

Når sant skal seiast skal det bli frykteleg godt når alle dei 3 vise er attende rundt kaffikanna den første morgonen etter sommaren. Det blir litt stussleg i lengda å kun rive seg på sosiale tenester på nett, sjølv om sommarfriske lånarane naturlegvis piffar opp kvardagen her inne blant all visdomen , fantasien og eventyra som gøymer seg i dei struttande hyllene.

Biblioteket ønskjer alle ferierande ei strålande helg med bilete av Iver som snusar inn dufta av vakker Romance i ein elles frodig hage av villniss og andre fargerike innslag!

...and the living is easy

"Summertime" har sett den eine vise i skikkeleg Sørstatsmodus om dagen. Sørstatane i USA med sitt slaveri og eit klasseskilje som har vara ved heilt fram til vår tid, representerer ein del av historia til den kvite mann som vi ikkje kan vera særs stolte av. Men nauda og lidinga har avla stor kunst og litteratur som vi kan gle oss over og kanskje også lære noko av. Fleire bøker og filmar tek oss med til Alabama, South Carolina og New Orleans, og dei gjer det på ein slik måte at du nærmast kan kjenne luktene, høyre lydane og ane sørstatsstemninga heilt opp hit til det fjellhøge nord. Les bøkene og gje deg ut på ei reise i tid og rom.
La temperaturen (31 på kontoret nå...) og Ella hjelpe deg med take off:
http://www.youtube.com/watch?v=AoPlAe23Ruo

So hush little baby, don't you cry...

Bok-/film-/musikktips:
Elskede av Toni Morrison
http://asp.bibits.no/lom_fb/wsRecInfo.Asp?UnitId=0&DocGrp=0&SearchUnitId=0&LoanUnitId=1&comb=AND&sString=FT=slaveriAND%20searchUnitId0&page=&idno=52721&showThisInfo=FSREVIEW#TabBar

"Noen kjenner mitt navn" av Lawrence Hill
http://asp.bibits.no/lom_fb/wsRecInfo.asp?idno=60446&UnitId=0&DocGrp=0&SearchUnitId=0&LoanUnitId=1&comb=AND&sString=FT=slaveriAND%20searchUnitId0

"Bienes hemmelige liv" av Sue Monk Kidd
http://asp.bibits.no/lom_fb/wsRecInfo.asp?idno=50285&UnitId=0&DocGrp=0&SearchUnitId=0&LoanUnitId=1&comb=AND&sString=Hyper=Kidd,%20Sue%20MonkAND%20searchUnitId0&page=

Alltid like lesverdige "Onkel Toms hytte" av Harriet Becker Stowe

Frå seinare tid:
"Blikktakblues for New Orleans" av James Lee Burke
http://asp.bibits.no/lom_fb/wsRecInfo.asp?idno=57195&UnitId=0&DocGrp=0&SearchUnitId=0&LoanUnitId=1&comb=AND&sString=FT=blikktakbluesAND%20searchUnitId0

Stekte grønne tomater (film)
http://www.bokklubben.no/SamboWeb/produkt.do?produktId=3823164

Og til slutt litt gospel:
"Gospel children of New Orleans"
http://asp.bibits.no/lom_fb/wsRecInfo.asp?idno=45303&UnitId=0&DocGrp=0&SearchUnitId=0&LoanUnitId=1&comb=AND&sString=FT=jazz%20childrenAND%20searchUnitId0

Bloggar: Rita

It's summertime...

Sommaren er over oss igjen og the 3 wise women har kasta ullongsen og funne fram att lette, ljose sommarklede og lever i håpet om mange gode, varme, late, evigvarande, sjampanjeboblande, energibomber av nokre sommardagar i tida som kjem. Temperaturen på biblioteket kan omtrent nå kokepunktet, iallefall for eter, når the heat is on og sola får varma opp heile dette store murhuset med alle dei store vindauga. Men kler vi oss etter været og køyrer vifta på full effekt klagar vi ikkje over dette. Denne veka har vi begynt med sommaropning og har fått nye opningstider att. Vi har ope måndag, onsdag (OBS OBS), torsdag og fredag 10.00 - 14.00 og tysdag 17.00 - 19.00. Denne opningstida gjeld heile skuleferien altså fram til og med 15. august.

I dag har vi feira at sommaren er i emning, at det snart er ferietid for einskilde av oss og at 2 vise har fylt år i vår og førre helg. Dei har vorte eit år eldre og forhåpentlegvis enda mykje meir vise enn før. Nå trippar dei berre rundt her og ventar på at DU skal ta deg ein tur innom biblioteket i sommar slik at dei får brukt visdomen sin til å finne dei rette bøkene, filmane eller lydbøkene til akkurat deg!

Ynskjer dykk ein fin Sankthanskveld med eller utan bål og brente "pysjo" (dial. for pølser, red.anm.), ei god bok eller ein fin CD å fortape seg i, er heller ikkje å forakte!

Bloggar: Rita