Kaffilyrikk og bokelsk

Kaffilyrikk...

Travle dagar, travle kvinner, lite tid til blogg. Slik må det berre bli nokre gonger, men frå neste veke drøymer eg om at fingrane får leike seg frilyndt over tastaturet i sprelsk utfalding. Skrivesperre har aldri vore tema innafor desse prestgardsveggane, så her er det berre tida som set avgrensingar for slik aktivitet. Ein del av tida har gått med til opprydding i poesihyllene, og bibliotekaren må berre be om orsak for halvtome kaffikoppar som har stått einslege att i hyllene etter at vakthavande har flaksa i andre ærend og reint gløymt att den gode skvetten... Lovar heretter å ta pausa inne på pauserommmet!


I morgon står først IBBY-kurs for tur, den gildaste inspirasjonsdagen om hausten, der bibliotekarar, lærarar og barnehagetilsette får grundig oppdatering om årets barne- og ungdomsbøker. Etterpå ber det rett til grannekommunen, Vågå, der eg skal prate bøker og lese inspirerande utdrag frå mine favorittar det siste året for bygdekvinnene og mållaget. Slike kveldar er noko av de likaste eg veit, sjølv om eg dette året må gjere det i einsam majestet, utan min gode sparringpartnar skjelvande ved mi side. Lovar å skrive meir om bøkene eg tek føre meg seinare.

Spontanlesing i påvente av at dei vaksne skal prate frå seg

Den siste veka har vi hatt maange unge bokglade innom, og vi har gjennomført den årlege opplæringa i biblioteket med 5.klassingane. Dette kullet skulle syne seg å vere dei dyktigaste eg har hatt opplæring med gjennom alle desse åra, så alle ære! Dei fann fram til bøker, titlar, forfattarar, deweynr og alderskoding så det berre song etter hyllene!

Smuglesing bak pappsøpla

     Opplæring i bibliotek!      

Bloggar: Merete