To vise kvinner og ein visegut

Om større og helst mindre hendingar på Lom folkebibliotek.

fredag 3. desember 2010

AU!


Kulda riv i nasebusta, augvippene telar fast til luggen, stilongsen luggar i leggjepelsen og Sjefen riv i nakkehåra... Sjå kor Dama strålar der ho kneisar med nakken og grev klørne langt inn i nakkeblukua på dei føyelege undersåttane sine! 

Bortimot 30 minusgrader hindra ikkje 3 vise i å troppe opp på fotoshoot hos dyktige Marit i Studio M onsdagseftan. Med dryppande naser, nypussa lesebriller og stivtela kjaker tassa vi spente inn bak dei varme ljosa hos Marit. Seansen vart etter kvart både høglydt, festleg og utfordrande -gymnastiske øvingar og framskoten bringe let seg vanskeleg foreine med forkalka hofter og knirkande gammalkjerringledd. Marit tok derimot verkeleg utfordringa med stø linse, trass i litt strev med å stoppe munnen på einskilde av modellane. Sjef Rita avanserte tvert til modellmamma...

 HA!
Dersom nokon enno ikkje har funne gåve far kan finne under juletreet i år, satsar vi no gildt på produksjon av ekslusive, varme boksershortsar med 3 vise-motiv til pynt (slett ikkje på kanten, men på pynten...). Om ikkje dette fristar, har du framleis sjansen til å handle julegåver av arbeidssenteret i Lom. Dei har førjulssal på biblioteket i dag, og søte mus, vakre puter og forseggjorte smykker går fort unna!

Denne musekaren vil gjerne passe på osten din i jula...


Bloggar: Modell-Merete

Ingen kommentarer:

Legg inn en kommentar