No er 3 vise så heldige at vi kjenner fleire som er dyktige med blyant og pensel, men vi ønskte at vedkomande som skulle leie denne dagen også hadde eit godt lag med born. Då fall valet lett på poteten Stein, som altså kan nyttast (eller nytast, som de kan lese om litt lenger ned...) til det meste. Han har heller ikkje lært omgrepet "nei", og vips -så var dagen i boks! Dessverre var det veldig få born som hadde høve til å kome denne tida i ferien, men dei frammøtte hadde ei fin dag blant fargar, papir og draumar -og is :-) Poteten, stakkar, fekk ei skarve t-skjorte i honorar...
 |
| Små kunstnarar med store draumar |
Berre stutt tid etter kom kunstnaren att med eit uvanleg flott portrett av Jonsson. Ny, sjølvgjort ramme omkransa eit måleri som verkeleg gjer inntrykk på alle som kjem inn døra her! Stein har valt fargar som står perfekt til tungsinnet som oftest låg over lyrikaren, og det intense blikket fangar merksemda til alle som tør titte opp på han. "Han såg skummel ut!" utbraut ei lita jente her om dagen, der ho henført stirte inn i dei kvasse augo på veggen... Altså inkje mindre enn ei sjeldan god tolking av ei uvanleg sjel med uvanlege, gode evner! Vår lånar, potet, kunstnar og barnemagnet har kasta ein retteleg blink med portrettet -og det skulle ikkje forundre oss om han har fleire blinkskot i ermet! Det flotte måleriet vil bli hengjande på Lom folkebibliotek til over Diktardagane, så det er berre kome innom og nyte synet -Jonssons blikk unngår ingen!
 |
| Blink, Stein! |
Ingen kommentarer:
Legg inn en kommentar