For 150 år sidan vart det fødd ein gudbrandsdøl som for framtida skulle vise seg å bli til utruleg stor glede for enormt mange menneske i både inn- og utland. Knud Pedersen, som seinare tok namnet Knut Hamsun, skreiv seg inn i verdslitteraturen med sin lyriske visdom og sitt meisterlege språk, og fekk i 1920 Nobelsprisen i litteratur. I Lom skal dette feirast stort i veka som kjem, og i samband med dette har biblioteket i dag satt fram ei utstilling vi har fått frå Deichmanske bibliotek. Her har det framandspråklege biblioteket satt saman ulike bøker av Hamsun oversett til andre språk, og eit raskt overblikk syner at heile 17 språk er representert i utstillinga! Det er berre å ta hatten av i audmjuk beundring for denne mannen,som i uoverskodeleg framtid vil halde fram med å fascinere folk over store delar av verda med sine uendeleg vakre kjærliksskildringar og nydelege forteljingar om innfløkt, menneskeleg sjelsliv. Ta gjerne turen til Lom til veka for å delta i den velfortente feiringa av ein av våre fremste forfattarar!
Ingen kommentarer:
Legg inn en kommentar