To vise kvinner og ein visegut

Om større og helst mindre hendingar på Lom folkebibliotek.

mandag 13. juli 2009

Vi ger bara folket vad folket vill ha...

Okay da, så gjev vi etter for presset og listar oss inn i rekkja av aktørar som trekkjer fram dei kjente og kjære forfattarane som folk flest vil lese. Ikkje noko gale sagt om desse forfattarane eller bøkene deira, tvert om! Dette er bøkene folk pratar om, som vert selde gjennom bokklubbar, bøker som er godt synlege i glansa reklameblad frå bokhandlar og i media elles, bøker som kjem ut i pocketutgavar slik at du kan kjøpe dei i Narvesenkioskar over heile landet og ta dei med som følgesvennar på reisa di. Det er bøkene som folket likar og vil ha, og forfattarane deira utgjer dei tydelegaste røystene i den norske skjønnlitterære samtida. Men vi ser dei Darwinistiske tilstandane som rår i bokbransja, og vi er til tider plaga med dårleg samvit for dei små og smale bøkene som står der så unnselege i hyllene våre og som eit fåtal låner med seg. Det hender seg nemleg også i bokverda at ein finn perler blant dei som ikkje ropar høgast.

Men i dag gjer vi altså vårt for "the survival of the fittest" sidan fleire lånarar den siste tida har lurt på kven av dei store som har kome med eller som skal koma med ny roman til hausten. Her kjem ei liste med nokre utvalde kjende norske forfattarar som er påmelde til innkjøpsordninga for vaksen prosa i 2009. Nokre av bøkene har kome til biblioteket alt, andre er lagt inn i katalogen vår fordi det er ventelister på dei og nokre er ikkje registrerte enda. Dersom de vil stå på venteliste kan de ordne det via nettet http://asp.bibits.no/lom_fb/ , de kan ta kontakt med oss på telefon eller rett og slett ta ein tur innom biblioteket.

Ambjørnsen, Ingvar: Opp Oridongo
Christensen, Lars Saabye: Visning
Fløgstad, Kjartan: Grense Jakobselv
Grytten, Frode: Det norske huset
Hansen, Erik Fosnes: Trio
Henriksen, Levi: Alt det som lå meg på hjertet
Jacobsen, Roy: Vidunderbarn
Knausgård, Karl Ove: Roman 2010, 1-3
Loe, Erlend: Stille dager i Mixing Part
Ragde, Anne B.: Nattønsket
Renberg, Tore: Pixley Mapogo
Skjelbred, Margaret: Mors bok
Solstad, Dag: 17. roman
Sæterbakken, Stig: Ikke forlat meg
Uri, Helene: Den rettferdige
Wassmo, Herbjørg: Hundre år
Ørstavik, Hanne: 48 Rue Defacqz

Krim:
Damhaug, Torkild: Døden ved vann
Egeland, Tom: Lucifers evangelium
Fossum, Karin: Varsleren
Groth, Vibeke: Arvesynden
Gunnerud, Jørgen: Byen med det store hjertet
Horst, Jørn Lier: Nattmannen
Kristensen, Monica: Operasjon Fritham
Lier, Stein Morten: Haukene
Mehlum, Jan: Madrugada
Nesbø, Jo: Leoparden
Nygårdshaug, Gert: Klokkemakeren
Olsen, Pål Gerhard: Bakmennene
Thørring, Jorun: Ildens øye
Tvedt, Chris: Rottejegeren

Vi har nok mykje å gle oss til utover sommaren og hausten! Roy Jacobsen vart den heldige utvalde som fekk bokomslaget til den nye boka si på bloggen vår i dag fordi bloggaren bokstaveleg talt stupte pladask for denne framsida! (Biletet er henta frå bokomtala i katalogen vår, sjå link i teksta over).

Bloggar: Rita

Ingen kommentarer:

Legg inn en kommentar