Tre vise kvinner

Tre vise kvinner har blitt to vise kvinner og ein visegut.
Om større og helst mindre hendingar på Lom folkebibliotek.

fredag 6. april 2018

Påskebrune bibliotekarar?


Påska er over og innleveringskassa bognar kvar morgon av påskelektyre, sjølv med superduperfin påske ser det ut til at fleire har hatt tida til å nyte litteratur.

Biblioteksjefen i påskesola
Matrona var påskebrun og blid etter ferien, det hadde visst vorte mange turar på ski rundt om hytta. Biblioteksjefen har eg ikkje sett etter påska, men i fylgje fjesboka er ho er lys raud på nasen. Eg har brukt delar av påska i pilsveggen, og nytt sola saman med kjærast og lydbok. Eg var godt innpakka med huve, solhatt og solbriller (kjærasten sa eg så ut som ein galning), så eg vart ikkje spesielt brun på utsida denne påska heller.  

Denne stutte veka har gått til å rydde bøkene av vegen, stelle i stand fruktfest for unge lesarar, teikneserieformidling i Skjåk, leiting etter dikt av Børli, jakt på hylande kaninar, hjelpe lånar med å komme inn på eBokBib (med god telefonisk hjelp frå bibliotekar Gunvor på Otta), koble om X-boksen så det vart lyd saman med bilete, førebuing til neste vekes formidling i Bartebyen, påsåsalg av gamle fagbøker, bli kjend med 7.pulje omsett litteratur frå Kulturfondet, kaffislabberas med postmann Ivar og til sist så var det denne bloggen som eg lyt gjera då eg er einsleg på arbeid i dag. 

I morgon får oss besøk av fungerande ordførar i Lom, Anne-Lise Marstein, ho er her mellom kl. 11 og 13, og ho tek i mot spørsmål og innspel av alle slag. Velkommen til ein ordførarsnakk og kaffi i retrosofaen. 


Vinterles er snart over, hugs på å lever skjema innan 15. april. Som avslutning på moroa får oss forfattarbesøk av Levi Henriksen her på biblioteket, det blir onsdag 2. mai kl. 20.00. Dette lyt du få med deg, det er ingen som kan si klesskapet som han Levi.

BibliotekAre

Ingen kommentarer:

Legg inn en kommentar